Qazaqstan Respýblıkasy Úkimetiniń qaýlysy  №336

2016 jylǵy 7 maýsym, Astana, Úkimet Úıi «Probasııa qyzmetiniń esebinde turǵan adamdarǵa áleýmettik-quqyqtyq kómek kórsetý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 23 qazandaǵy №1131 qaýlysyna ózgerister engizý týraly Qazaqstan Respýblıkasynyń Úkimeti qaýly etedi: 1. «Probasııa qyzmetiniń esebinde turǵan adamdarǵa áleýmettik-quqyqtyq kómek kórsetý qaǵıdalaryn bekitý týraly» Qazaqstan Respýblıkasy Úkimetiniń 2014 jylǵy 23 qazandaǵy №1131 qaýlysyna (Qazaqstan Respýblıkasynyń PÚAJ-y, 2014 j., № 65, 600-qujat) mynadaı ózgerister engizilsin: Probasııa qyzmetiniń esebinde turǵan adamdarǵa áleýmettik-quqyqtyq kómek kórsetý qaǵıdalarynda: 8-tarmaq mynadaı redaksııada jazylsyn: «8. «Probasııa qyzmetiniń esebinde turǵan adamǵa jaza óteý kezeńinde qosymsha nemese ózge kómek alý múmkindigi týyndaǵan jaǵdaıda jeke baǵdarlamaǵa eki jaqty kelisim boıynsha tıisti túzetýler engiziledi. Eger jazasyn ótegen adamnyń baspanasy joq bolǵan nemese baspanasynan aırylyp qalǵan jaǵdaıda probasııa qyzmetiniń qyzmetkeri adamnyń kelisimimen arnaıy áleýmettik qyzmetter kórsetetin ýaqytsha turý uıymdaryna ornalastyrý úshin ony jergilikti atqarýshy organdarǵa joldaıdy.»; 16-tarmaq mynadaı redaksııada jazylsyn: «16. Probasııa qyzmetiniń esebinde turǵan adamdarǵa quqyqtyq kómek mynadaı kórsetiletin qyzmetterdi kózdeıdi: 1) olardyń qarajaty bolmaǵan jaǵdaıda zańnama boıynsha tıesili áleýmettik járdemaqylardy, arnaıy tólemderdi alýǵa, jumysqa ornalasýǵa, oqýǵa, medısınalyq kómek alýǵa qujattar tapsyrý úshin zańdyq máni bar qujattardy resimdeý; 2) áleýmettik kómekke, áleýmettik qamsyzdandyrýǵa zańnamada belgilengen quqyqtar men olardyń buzylýynan qorǵaý tásilderi boıynsha zańdyq konsýltasııa berý; 3) ómirlik qıyn jaǵdaıdan shyǵý úshin jaǵdaı jasaıtyn máselelerdi sheshýge yqpal etetin zańnamada belgilengen jeńildikterdi, járdemaqylardy jáne basqa da áleýmettik tólemderdi alýǵa járdemdesý. Quqyqtyq kómek kórsetý úshin probasııa qyzmeti jeke baǵdarlamanyń kóshirmesin olardyń turǵylyqty jeri boıynsha jergilikti atqarýshy organdarǵa jiberedi.»; kórsetilgen Qaǵıdalarǵa qosymsha osy qaýlyǵa qosymshaǵa sáıkes jańa redaksııada jazylsyn. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV Qazaqstan Respýblıkasy Úkimetiniń 2016 jylǵy 7 maýsymdaǵy №336 qaýlysyna qosymsha Probasııa qyzmetiniń esebinde turǵan adamdarǵa áleýmettik-quqyqtyq kómek kórsetý qaǵıdalaryna qosymsha Nysan ___________________________________________________________________ (probasııa qyzmetiniń ataýy) Áleýmettik-quqyqtyq kómek kórsetýdiń jeke baǵdarlamasy Men, ___________________________________________________________________ (probasııa qyzmetiniń ataýy) probasııa qyzmetiniń bastyǵy (aǵa ınspektory, ınspektory) _______________________________________________________________________ qyzmetkerdiń tegi, aty-jóni) _________________________________________________________________ turatyn (mekenjaıy) _______________________________________________________________________ (tegi, aty-jóni) densaýlyq jaǵdaıy, bilim deńgeıi jáne jumyspen qamtylý, turǵylyqty jeriniń bar-joǵy, sondaı-aq ózge de málimetterdiń (shartty túrde, bas bostandyǵyn shekteýge sottalǵan, bas-bostandyǵynan aıyrý oryndarynan shartty túrde merziminen buryn bosatylǵan, bas bostandyǵynan aıyrý oryndarynan bosatylǵan, oǵan qatysty sot ákimshilik qadaǵalaý belgilegen adam) nátıjeleri boıynsha áleýmettik-quqyqtyq kómek kórsetýdiń (qajetiniń astyn syzý) jeke baǵdarlamasyn jasadym, ol mynadaı áleýmettik-quqyqtyq kómektiń kórsetilýine muqtaj: 1) medısınalyq kómek (qajet bolǵan jaǵdaıda): tegin medısınalyq kómektiń kepildendirilgen kólemi sheńberinde; 2) quqyqtyq kómek (qajet bolǵan jaǵdaıda): probasııa qyzmetiniń esebinde turǵan adamnyń qarajaty bolmaǵan jaǵdaıda zańnama boıynsha tıesili áleýmettik járdemaqylardy, arnaıy tólemderdi alýǵa, jumysqa ornalasýǵa, oqýǵa, medısınalyq kómek alýǵa qujattar tapsyrý úshin zańdyq máni bar qujattardy resimdeý; áleýmettik kómekke, áleýmettik qamsyzdandyrýǵa zańnamada belgilengen quqyqtar men olardyń buzylýynan qorǵaý tásilderi boıynsha zańdyq konsýltasııa berý; ómirlik qıyn jaǵdaıdan shyǵý úshin jaǵdaı jasaıtyn máselelerdi sheshýge yqpal etetin zańnamada belgilengen jeńildikterdi, járdemaqylardy jáne basqa da áleýmettik tólemderdi alýǵa járdemdesý; 3) bilim alýyna kómek kórsetý (qajet bolǵan jaǵdaıda); 4) kásiptik meńgerýine jáne jumysqa ornalastyrýǵa (qajet bolǵan jaǵdaıda); 5) arnaýly áleýmettik qyzmetter kórsetetin (eger jazasyn ótegen adamnyń turǵyn úıi bolmaǵan nemese odan aıyrylǵan jaǵdaıda) ýaqytsha turý uıymyna ornalastyrýǵa; 6) ózge de kómek alýyna (qajet bolǵan jaǵdaıda) kómek kórsetý. Áleýmettik-quqyqtyq kómek kórsetýdiń jeke baǵdarlamasyn _______________________________________________________________________ (probasııa qyzmetiniń ataýy) probasııa qyzmetiniń bastyǵy (aǵa ınspektor, ınspektor) jasady. ___________ ____________ _________________ (ataǵy) (qoly) (tegi, aty-jóni) 20___ jylǵy «___» ____________ M.O. Áleýmettik-quqyqtyq kómek kórsetýdiń jeke baǵdarlamasymen tanystym jáne kelisemin ________________________ __________________________________ (tegi, aty-jóni) (qoly) 20___ jylǵy «___» ____________